Президент Al Jazeera телеарнасына эксклюзивті сұхбат берді

Президент Қасым-Жомарт Тоқаев Al Jazeera телеарнасына эксклюзивті сұхбат берді, деп хабарлайды El.kz интернет порталы.

Қасым-Жомарт Тоқаев әлемдік тыныштық тақырыбына қатысты пікір білдіріп, мультилатерализмнің маңызына тоқталды.

Мен мультилатерализмнің маңыздылығына сенемін және орта держава атанған мемлекеттер жаһандық бейбітшілік пен қауіпсіздікті қамтамасыз етуде үлкен рөл атқаруы тиіс деп есептеймін, – деді мемлекет басшысы.

Президенттің айтуынша, БҰҰ Қауіпсіздік Кеңесі қазіргі таңда күрделі дағдарысты бастан кешіруде: ол халықаралық өзекті мәселелерді шешу үшін қажетті билік пен ерік-жігерден айырылған.

Сол себепті Қазақстан секілді орта державалар әлемдік өзекті мәселелерді шешуде және реттеуде маңыздырақ рөл атқаруы тиіс деп есептеймін. Қазақстан Біріккен Ұлттар Ұйымын реформалауды жақтайды. Ұйым алғаш құрылған кезде оның құрамында небәрі 51 мемлекет болды. Олар – БҰҰ-ның негізін қалаушы елдер. Бүгінде ұйымға 193 ел мүше, – деп атап өтті Тоқаев.