Португалия құрамасының танымал футболшысы жол апатынан көз жұмды

Испанияның Самора аймағында болған жол апатынан 28 жастағы футболшы Диогу Жота мен оның інісі көз жұмды. Бұл туралы Marca басылымына сілтеме жасай отырып El.kz интернет порталы хабарлайды.

Айта кетейік, «Ливерпуль» клубының ойыншысы өткен аптада ғана үйленген.

Басылым мәліметінше, жол-көлік оқиғасы A-52 трассасының 65-шақырымында, Санабрия аумағында болған. Футболшы отырған көлік жолдан шығып кетіп, өртенген.

Сол көлікте Диогу Жотамен бірге оның туған інісі Андре Жота да болған. Ол да кәсіби футболшы еді. Екеуі де апат орнында көз жұмған.

Биыл Жота «Ливерпульмен» бірге Англия Премьер-лигасын, ал Португалия құрамасымен Ұлттар лигасын жеңіп алған болатын. 22 маусымда ол Руте Кардозу есімді бойжеткенмен шаңырақ көтерді. Ерлі-зайыптылардың үш баласы бар.

• 22 de Junho de 2025 •
Sim, para sempre ♾️ pic.twitter.com/pZvQwKADgd

— Diogo Jota (@DiogoJota18) June 28, 2025