Полиция басқармасы: Шетелдік көліктерді заңдастыру – бірреттік акция

Бұл туралы Астана қаласы Полиция департаменті Әкімшілік полиция басқармасының бастығы Елжан Чупеков айтты, деп хабарлайды El.kz ақпараттық агенттігі.

«Шетелдік көліктерді заңдастыру – бірреттік акция. Ол биыл 23 қаңтарда басталып 1 шілдеге дейін жалғасады. Шетелдік автомобильді талап бойынша тіркемеген жағдайда заңға сәйкес жауапкершілік қарастырылады. Еліміздегі шетелдік көліктердің дені сақтандыру полисі негізінде қолданылып жүр. Егер автомобильді белгіленген уақытта заңдастырмаған жағдайда сақтандыру полисі тоқтатылып, көлік коммуналдық автотұраққа қойылады», - деді Елжан Чупеков елорданың полиция департаментінде өткен баспасөз мәслихатында.

Оның айтуынша, бүгінде ел аумағында сақтандыру полисі арқылы жүрген 300 мыңнан астам шетелдік автомобиль бар.