Полицейлер мен әкімдіктер қауіп-қатерлерді алдын ала анықтауы қажет – Бектенов

Құқық бұзушылықтың алдын алу жөніндегі ведомствоаралық комиссияның отырысы барысында қылмысқа қарсы күрес бойынша ұсыныстар талқыланды, деп хабарлайды El.kz ақпарат агенттігі.

Жамбыл және Атырау облыстарының әкімдері тыңдалды, олар «Бейнебақылау жүйелерімен жаппай қамту» жобалары, уақытша бейімдеу орталықтарын ашу және басқа да жобалар аясындағы жұмысты күшейту қажеттігін айтты.

Біздің мақсатымыз – құқық бұзушылықтың алдын алудың тұтас жүйесін құру. Жергілікті жерлерде полицейлер қауіп-қатерлерді анықтап, тұрғындар арасында алдын ала профилактикалық жұмыстар жүргізуі керек. Жергілікті атқарушы органдардың рөлі өте маңызды, – деді Олжас Бектенов.

Премьер-министр сондай-ақ Мәдениет және ақпарат министрлігіне осындай жағдайларға уақтылы ден қоюды, БАҚ пен әлеуметтік желілерде азаматтарды объективті түрде хабардар етуді тапсырды.