Петропавлда лифтінің сымы үзіліп, бір адам мерт болды

Петропавл қаласында жеделсатының сымы үзіліп кетіп, бір адам қаза тапты, деп хабарлайды El.kz. 
 
Қайғылы жағдай бүгін, 4 қараша күні қаладағы Жұмабаев көшесінде орналасқан тоғыз қабатты үйде орын алған. Лифтіге күрделі жөндеу жүргізу кезінде трос үзіліп, салдарынан сегізінші қабаттың биіктігінен 39 жастағы ер адам шахтаға құлап кеткен.   
 
Ер адам алған жарақаттардан оқиға орнында көз жұмды. Аталған факті ҚР ҚК-нің 156-бабының 3-бөлігі (Еңбекті қорғау қағидаларын бұзу) бойынша тіркелді. Оқиға орнында Петропавл прокуратурасының және ПБ жедел-тергеу тобының қызметкерлері жұмыс істеп жатыр, - делінген Полиция басқармасы таратқан хабарламада.