Петропавлда кішкентай татар аруын таңдады

 «Дуслык» татар-башқұрт қоғамдық орталығы Петропавл қаласының Мәдениет үйінде «Татар аруы – 2018» облыстық байқауын ұйымдастырып  өткізді.

Байқауға 5-12 жас аралығындағы бүлдіршіндер қатысқанымен, олардың алдына қойылатын мақсаттар мен міндеттер ересектердікінен кем болған жоқ, дейді ұйымдастырушылар.

Байқауға 8 қыз қатысты. Болашақ ару ана тілінде өзі және отбасы, әуестіктері туралы айту, шығармашылық мүмкіндіктерін көрсету және аспаздық сайыстардан өту керек болды.

Қазылар алқасына бас аруды таңдау оңайға түспеді, сондықтан бірінші орынды бірден екі жас сұлуға тең бөліп берді.

«Татар аруы-2018» атағын Бекчентаева Нигина (үлкен жас тобы) және Мамлютова Ясмин (кіші жас тобы) иеленді.

Жүлделі орындардан басқа әр қатысушы келесі номинацияға ие болды:

Әсемдік аруы: Дускен Дана 

Тартымдылық аруы: Муртазина Арина 

Грация аруы: Курманова Даяна 

Мүлтіксіздік аруы: Матушкевич Венера 

Шабыт аруы: Джемалединова Эльвира 

Татар жұлдызшасы: Джемалединова Розалия.