Петропавлда екі жасар бала шемішкеге қақалып қайтыс болды

Петропавлда екі жасар бала күнбағыс дәніне қақалып көз жұмды, деп хабарлайды El.kz интернет порталы.

СҚО полиция департаментінің мәліметінше, оқиғаға қатысты қылмыстық іс тіркелді.

Қайғылы жағдай 13 маусым күні Петропавл қаласында болған.

Аталған факті бойынша қылмыстық іс тіркелді. Қазіргі уақытта оқиғаның мән-жайы зерттеліп жатыр, – деп мәлімдеді СҚО ПД өкілдері.

Еске сала кетсек, бұған дейін Қарағандыда 2 жасар бала жетінші қабаттың терезесінен құлап, көз жұмған болатын.