Петропавл атауы өзгере ме? Әкім жауап берді

Солтүстік Қазақстан облысының әкімі Ғауез Нұрмұхамбетов Петропавл атауын өзгертуге қатысты пікір білдірді, деп хабарлайды El.kz ақпарат агенттігі.

Қала әкімімен объектілерді аралап, халықпен жиі кездесіп тұрамыз. Бірақ Петропавл қаласының атауын өзгерту мәселесі күн тәртібінде тұрған жоқ. Қала тұрғындары да ол мәселені көтермейді. Олар әртүрлі салаларды дамыту және жол мәселелеріне көңіл бөледі. Мысалы, облыста тас жолдың ұзындығы 400 шақырымға жетеді, оның 40 пайызына ғана асфалть төселмеген. Иә, қала халқының пікірі әртүрлі, бірақ көбі қала атауын өзгерту мәселесін көтермейді, - деді Нұрмұхамбетов Орталық коммуникация қызметінде өткен брифингте.