Павлодарда «Қауіпсіздік трамвайы» іске қосылды

Жаңа жыл қарсаңында «Қауіпсіздік трамвайы» іске қосылды, деп хабарлайды El.kz ақпараттық агенттігі  ТЖМ баспасөз қызметіне сілтеме жасап. 

Қала тұрғындарын төтенше жағдайлар кезіндегі қауіпсіздік шаралары туралы ақпараттандыру мақсатында Павлодар облысының Төтенше жағдайлар департаменті «Трамвай жолдары басқармасы» АҚ-мен бірлесіп «Қауіпсіздік трамвайын» ​​іске қосты.

Бұл бағыт қала тұрғындарын әртүрлі бағыттар бойынша тасымалдай отырып, халықтың басым бөлігін қамтиды.

Трамвай жолаушыларына әртүрлі төтенше жағдайлар кезіндегі қауіпсіздік шаралары туралы, төтенше жағдайлардың алдын алу және өзін-өзі ұстау ережелерін үйрету бойынша қабылданған шаралар туралы хабардар етеді. Сонымен қатар тұрғындарға төтенше жағдайлар кезіндегі іс-әрекеттердің алгоритмін көрсететін буклеттер мен жадынамалар таратылады.