Өзгенің банк картасын пайдаланған алаяқ ұсталды

Батыс Қазақстан облысының тұрғыны өзгенің банк картасынан сауда жасап, әйеліне гүл де алған, деп хабарлайды El.kz ақпарат агенттігі.

Polisia.kz мәліметінше, жедел-іздестіру іс-шаралары нәтижесінде тәртіп сақшылары жоғалған банк картасынан 400 мың теңгеден астам сомаға сауда жасаған күдіктінің кім екенін анықтады.

Жәбірленуші әйелдің картасын жоғалтып алғаны және бұл туралы білмегені анықталды. Ол картаны ұзақ уақыт пайдаланбағандықтан, банк қосымшасын қолданып жүрген және жоғалғаннан кейін бір айдан кейін ақшаның жетіспейтіндігін байқаған, – делінген ақпаратта.

Сонымен қатар, 33 жастағы тұрғын Ақсай қаласында картаны тауып, түрлі сауда жасаған, соның ішінде азық-түлік, алкоголь, тіпті әйеліне гүл шоғын сатып алған.

Полиция күдіктіні анықтап, оған қатысты сотқа дейінгі тергеуді бастады.

Полиция азаматтарға мұқият және сақ болуды ескертеді. Банк карталары сияқты жеке заттар жоғалған жағдайда, бұл туралы банкке дереу хабарлап және картаны бұғаттауы қажет, ол бөгде тұлғалардың картаны теріс мүдде үшін пайдалануына жол бермеу үшін қажет.