Өзбекстанда таудан құлаған алып тас көліктегі адамдарды жаншып кетті

Өзбекстанда таудағы алып тас жолда кетіп бара жатқан Chevrolet Cobalt көлігінің үстіне құлап, ішіндегі адамдарды мыжып кеткен, деп хабарлайды El.kz ақпарат агенттігі.

Podrobno.uz мәліметінше, қайғылы оқиға 6 қараша күні сағат 16:00-де Қашқадария облысының Тахтакарача өтпелінде болған. Оқиға орнында үш адам қаза тапты.

Көлік Китабтан Самарқанға бара жатқан. Қайтыс болғандардың жеке басы анықталып жатыр. Әлеуметтік желідегі ақпарат бойынша, салонда Венгрия азаматтары болған, ал жүргізуші Өзбекстан азаматы болған. Дегенмен бұл ақпарат әзірге расталған жоқ.

Қазіргі уақытта өтпел уақытша жабылып, мамандар жұмыс істеп жатыр.