Өзбекстанда президент сайлауы басталды

Бүгін Өзбекстанда кезектен тыс президент сайлауы басталды. Елдегі саяси науқанға 19 миллион 593 мың 838 азамат дауыс беру мүмкіндігіне ие болып отыр, деп хабарлайды El.kz ақпарат агенттігі.

Сайлауды өткізуге 174,1 миллиард сум жұмсалған. Сондай-ақ, ел президенттігіне төрт үміткер ресми тіркелген болатын. Олардың қатарында:

- Экологиялық партия өз көшбасшысы Абдушүкүр Хамзаев,

- Халықтық-демократиялық партия Ұлықбек Иноятов,

- "Адолат" социал-демократиялық партиясы Жоғарғы сот төрағасының бұрынғы бірінші орынбасары Робахон Махмудова,

- "УзЛиДеП" партиясы қазіргі президент Шавкат Мирзиеев.

Сайлауда жеңіске жету үшін үміткер 50 пайыздан астам дауыс жинауы керек. ОСК сайлаудың алдын ала нәтижелерін 10 шілдеде жариялайды деп күтілуде.