Өзбекстан мен Қырғызстан президенттері бейресми кездесу өткізді

25 қаңтарда Қырғыз Республикасының президенті Садыр Жапаров Өзбекстан еліне ресми сапармен барды, деп хабарлайды president.uz-ге сілтеме жасап El.kz ақпарат агенттігі.

Өзбекстан Республикасының президенті Шавкат Мирзиеев Ташкент облысындағы «Амирсой» курорттық кешенінде Қырғызстан президентімен бейресми кездесу өткізді.

Екі ел басшылары екіжақты күн тәртібіндегі өзекті мәселелер, халықаралық саясат және өңірлік өзара іс-қимыл туралы пікір алмасты.

Қырғызстан президенті заманауи әлемдік стандарттарға сай келетін туристік тау шаңғысы кешеніндегі жасалған жағдай мен инфрақұрылымды жоғары бағалады.

Өзбекстан мен Қырғызстанның бірегей геоландшафты мен табиғи байлығын ескере отырып, курорттық-рекреациялық орталықтар құруға бағытталған бірлескен жобаларды ілгерілету туралы келісімге қол жеткізілді.