Өз әйелі мен ата-анасын алдап соққан алаяқ ұсталды

Көкшетауда 67 млн теңгеге 9 адамды алдаған алаяқ қолға түсті, деп хабарлайды El.kz ақпарат агенттігі.

Polisia.kz мәліметінше, бір жарым жыл бойы ақмолалық Көкшетау қаласында бірқатар алаяқтық жасағаны үшін мемлекетаралық іздеуде жүрген. Ал оның құрбандары өзінің отбасы мүшелері, туыстары мен достары болған.

Қылмыстық іс материалдарына сүйенсек, 2021 жылы бұл азамат өзінің жақын адамдарына ақша қаражатын инвестиция ретінде салуды ұсынған. Оның орнына салымшыларға енгізілген сомалар пайыздық арақатынаста артады деп уәде етілді. Алданғандардың арасында ұсталған азаматтың жұбайы, оның ата-анасы, жақын достары, сыныптастары мен таныстары болды, - делінген мәліметте.

Қысқа уақыт ішінде алаяқ 67 миллион 229 мың теңгеге 9 адамды алдаған. Алынған ақшаны өз қалауы бойынша жұмсаған.

Полицияға арыздар келіп түскеннен кейін, 2022 жылы алаяқтық фактілері бойынша сотқа дейінгі тергеу басталды, алайда 27 жастағы күдікті қашып кетті. Сол жылдың шілдесінде ер адам мемлекетаралық іздестіруге жарияланды, - деп қосты полиция қызметкерлері.

31 қаңтарда Көкшетау қаласында полиция қызметкерлері Ақмола облыстық прокуратурасын үйлестіру кезінде бірлескен жедел-іздестіру іс-шараларының нәтижесінде қылмыскерді ұстады. Ол уақытша ұстау изоляторына қамауға алынды.

Тергеу жалғасып жатыр.