Өскемен қаласының №8 өрт сөндіру бөліміне Алан Нұрлан есімді баланың анасы хабарласты. Баласының туған күнінде құтқарушыларға қонаққа барғысы келгенін айтып, бес жасар баласының арманын орындауды өтінді, деп хабарлайды El.kz ақпарат агенттігі ТЖМ-ге сілтеме жасап.
№8 ӨСБ-нің өрт сөндірушілері Аланның тілегін жүзеге асырды. Өрт сөндірушілер балаға заманауи өрт-құтқару техникасын көрсетіп, қызмет атқарып жүрген қарауылмен және жұмыс талаптарымен таныстырды.
Бала жауынгерлік киім-кешекті киіп көрді. Өзінің бала кезіндегі арманының орындалғанына өте қуанышты болды.