«Оскар» жүлдесінің иесі қайтыс болды

Голливудтың танымал актері, кинорежиссер әрі продюсер Роберт Редфорд 89 жасында өмірден өтті, деп хабарлайды El.kz интернет порталы.

Ол Юта штатындағы таулы Сандэнс аймағындағы өз үйінде - туған-туыстарының жанында қайтыс болды. Бұл туралы Rogers & Cowan PMK агенттігінің директоры Синди Бергер мәлімдеді.

Редфорд 1960-жылдары жұлдызға айналып, үлкен танымалдыққа ие болды. Ал 1980 жылы ол «Қарапайым адамдар» (Ordinary People) фильмі үшін «Оскар» жүлдесін «Үздік режиссура» номинациясы бойынша жеңіп алды. Сол фильм сондай-ақ «Үздік фильм» аталымында да марапатталған еді.