Өртеніп жатқан ғимараттан бір отбасы құтқарылды

ТЖМ құтқарушылары өртеніп жатқан ғимараттан отбасыны эвакуациялады, деп хабарлайды El.kz интернет порталы.

Ведомство дерегінше, Қарағанды облысының Шет ауданында екі қабатты киім дүкенінде өрт оқиғасы тіркелді. Ғимарат ішіндегі жиһаз бен тұрмыстық заттар отқа оранып, қатты түтіндеді.

Оқиға орнына жедел жеткен ТЖМ бөлімшесінің қызметкерлері үш адамды, оның ішінде екі баланы қауіпсіз жерге эвакуациялады. Белгілі болғандай, отбасы дүкен ішінде түнеп қалған.

Өрт сөндірушілер өртті сөндіріп, кәсіпкердің мүлкін сақтап қалды. Зардап шеккендер жоқ. Дүкен иесі және отбасының әкесі  құтқарушыларға #алғысын білдірді, - делінген мәліметте.

 ТЖМ азаматтарға өрт қауіпсіздігі ережелерін қатаң сақтауды ескертеді.