Оралда судья жұмыс орнында қайтыс болды

Оралда қалалық соттың судьясы жұмыс орнында көз жұмды, деп хабарлайды El.kz ақпарат агенттігі БҚО денсаулық сақтау басқармасының баспасөз қызметіне сілтеме жасап.

Оқиға 10 наурыз күні таңғы уақытта болған.

«Жедел жәрдем сағат 09.48-де шақырылды. Қалалық сотта жұмыс орнында 1968 жылғы ер адам аяқ астынан жайсыз сезінген. Жедел жәрдемді шақырған адамның сөзіне қарағанда, судья қорылдап, ес-түссіз құлаған. Марқұмның жүрегі тоқтап қалған, жедел жәрдем келгенге дейін қайтыс болып кеткен», - деп хабарлады ведомстводан.

БҚО полиция болған оқиғаны растап, ер адамның кенеттен көз жұмғанын жеткізді.