Оралда әйелді тонап кеткен күдікті бейнебақылауға түсіп қалды

Таңғы уақытта Оралдағы Омега жол көпірінің астынан өтіп бара жатқан 30 жастағы әйелге күтпеген жерден ер адам шабуыл жасаған, деп хабарлайды El.kz ақпараттық агенттігі.

Әйел қашып кетуге тырысқанымен, қарақшы оны мықтап ұстап, жерге құлатып, алтын сырғаларын, сақиналарын шешіп, телефонын тартып алған.

ҚР ІІМ мәліметінше, шығын көлемі – 550 мың теңге.

Әйел адам полицияға жүгініп, жедел-іздестіру шаралары бірден жарияланды. Тергеу әрекеттерін жүргізу барысында ұсынылған 15 азаматтың ішінен жәбірленуші 1971 жылы туған бір ер адамды көрсетті, – делінген мәліметте.

Күдікті құрықталған. Ол бұрын қылмыстық жауапкершілік тартылған болып шықты.