Оқу-жаттығу кезінде танк зейнеткерді басып кетті

Грекияда оқу-жаттығу кезінде танк тасымалдағыш зейнеткерді жаншып кетті, деп хабарлайды El.kz ақпарат агенттігі.

EPT News агенттігінің мәліметінше, қайғылы оқиға шығыс Аттикадағы Оропос қаласында болған.

Алдын ала деректерге сәйкес, 70 жастағы жергілікті тұрғын әскери лек кетіп бара жатқан уақытта жолдан өтпек болған.

Оқиғадан соң зардап шегуші дереу ауруханаға жеткізілген, алайда дәрігерлер әйелді құтқарып қала алмады.