Олжас Бектенов қазақстандықтарды бірлік күнімен құттықтады

Премьер-министрі Олжас Бектеновтің Қазақстан халқының бірлігі күнімен құттықтады, деп хабарлайды El.kz ақпарат агенттігі.

Сіздерді 1 мамыр – Қазақстан халқының бірлігі мерекесімен шын жүректен құттықтаймын! Біздің еліміз ұлт пен ұлыстың ынтымағын қашаннан өзінің қастерлі құндылықтарының қайнар көзі ретінде ұлықтап келеді. Қоғамдағы ортақ келісімнің арқасында Қазақстан тұғырлы тұрақтылықтың темірқазығына, береке мен бірліктің ордасына айналды. Ауызбіршілік пен бауырмалдықтың осындай жарқын үлгісі биылғы су тасқыны орын алған күрделі кезеңде де айқын көрінді. Халқымыз қиындық атаулыны жұмыла еңсеріп, бір-біріне көмек қолын созуда. Елдің болашағы – бірлікте! Ал ертеңін ойлаған елдің іргесі ешқашан ажырамайды. Баршаңызды айтулы мерекемен құттықтай отырып, зор денсаулық, отбасыларыңызға бақыт, еңбектеріңізге толайым табыс тілеймін!, - деп жазылған Үкімет басшысының құттықтауында.