Олимпиада чемпионы атанған жапонның танымал балуан спортпен қоштасты

Еркін күрестен Токио Олимпиадасыынң чемпионы, жапониялық Такуто Отугуро спорттағы мансабын аяқтады, деп хабарлайды El.kz ақпарат агенттігі.

Биыл 26 жасқа қадам басқан күншығыс елінің даңқты балуаны күрестен кететінін мәлімдеді. 2018 жылы Отугуро 19 жасында Жапония тарихындағы ең жас ерлер арасындағы әлем чемпионы атанған болатын. Кейін ол екі рет Азия чемпионы атанып, Токио-2020 Олимпиадасында алтын үздік шықты. Ол финалда Әзірбайжанның танымал балуаны, үш дүркін әлем чемпионы, Рио Олимпиадасының қола жүлдегері Гаджи Алиевті жеңді.

Алайда ол Париж Олимпиадасына іріктеу бәсекесінде құрамадағы әріптесі Котаро Киёокаға есе жіберген еді. Ал Франциядағы ойындарда Котаро 65 келіде чемпион атанды.  

Париж Олимпиадасынан кейін әлемнің көптеген танымал балуандары спортпен қош айтысты. Оның ішінде грек-рим күресінен Олимпиаданың бес дүркін чемпионы Михайн Лопес, еркін күрестен Олимпиада чемпионы, екі дүркін қола жүлдегері, түрік Таха Ақгүл, грек-рим күресінен Олимпиада чемпионы, күміс және қола жүлдегері, украиналық Жан Беленюк те мансабын аяқтағанын хабарлады7