Наурыз мерекесі қарсаңында Жастар құрылтайы өтті

Наурыз мерекесі аясында «Жаңа Адамдар» жастар қозғалысы Жастар құрылтайын ұйымдастырды, деп хабарлайды El.kz ақпарат агенттігі.

Жақында Атырауда Ұлттық құрылтайдың үшінші отырысы өтті. Кездесу барысында Мемлекет басшысы Елтаңбаны өзгерту идеясын ұсынды.

Ал Елтаңбамызға қатысты сыни пікірлер айтылып қалады. Оны Кеңес заманындағы Гербке ұқсатып жатады. Тым эклектикалық, күрделі дейді. Мұндай ойды ел ісіне бей-жай қарамайтын белсенді азаматтар ғана емес, мамандар да айтып жүр. Орынды пайымдар ескерусіз қалмауы керек. Ортақ келісімге келген жағдайда арнаулы комиссия құруға болады. Бұл комиссия мәселені жан-жақты қарастырып, қоғамдық талқылау өткізеді. Сосын Қазақстанның жаңа Елтаңбасының жобасын жасауға ашық байқау жарияланады, - деді Мемлекет басшысы.

«Жаңа Адамдар» жастар қозғалысының құрылтайына жоғарыда аталған мәселелерді шешу үшін азаматтық науқандарын құрған жобалар ұсынылды. Қозғалыстың астаналық кампусына 15 азаматтық науқанның өкілі ретінде 500-ден астам адам жиналды. 

Қалауымыз орындалды! Естеріңізге сала кетсек, осы жылдың қаңтар айында біз Астана мен Алматы көшелерінде сауалнама жүргізген болатынбыз. Сонда респонденттердің 70%-ы ұсынылған суреттерінің ішінен еліміздің басты белгілерінің бірін дұрыс анықтай алмады. Сауалнама қорытындысынан кейін бүкіл ел болып елтаңбаны өзгерту туралы ойға шақырған едік. Бейнежазба әлеуметтік желілерде кеңінен қызу талқыға түскен еді, - дейді «Жаңа адамдар» жастар қозғалысының белсенділері.