Наурыз көжені пісіруге қанша ақша кетеді

Наурыз көже – жаңару мен көктемнің оянуын бейнелейтін дәстүрлі мерекелік тағам. Ұлттық статистика бюросының көжеге қосылатын негізгі өнімдердің бағасын ұсынды, деп хабарлайды El.kz ақпарат агенттігі.

1 литр айранның орташа бағасы (2,5%) 446 теңгені құрайды. Бұл тағамда қолданылатын тағы бір маңызды өнім – сүт (2,5%), оның бағасы литріне орташа есеппен 413 теңгеге тең. Арпа жармасы бір келі үшін орташа есеппен 399 теңгені құрайды, еліміз бойынша оның ең төменгі бағасы Көкшетау (283 теңге) қаласында тіркелген. Күрішке келетін болсақ, оның орташа бағасы келісіне 639 теңге, оның ең арзан бағасы Шымкентте — 535 теңге. Тағы бір маңызды ингредиенттің бірі – жылқы еті, оның бір келісі шамамен 3098 теңге. Қазақстан бойынша тұздың орташа бағасы келісіне 76 теңге.

Сондай-ақ тағамға құрт қосылады, ал аймаққа қарай тағы маш, өрік немесе кеспе қосылуы мүмкін.