Намибияның тұңғыш президенті Сэм Нуйома қайтыс болды

Намибияның тұңғыш президенті Сэмюэль Дэниел Шафиишуна Нуйома 95 жасында Виндхук қаласында өмірден озды, деп хабарлайды El.kz ақпарат агенттігі.

Бұл туралы ел президенті Нанголо Мбумба 9 ақпан күні таңертең жасаған ресми мәлімдемесіде атап өтті. 

Еліміздің ең қайсар перзенті бұл жолы дертінен айыға алмады. Сондықтан мен бүгін таңертең, 2025 жылдың 9 ақпанында Намибия халқына, африкалық бауырластарымызға және бүкіл әлемге құрметті бостандық үшін күрескер және революциялық көшбасшы, мәртебелі доктор Сэм Шафиишуна Нуйоманың қайтыс болғанын үлкен қайғымен хабарлаймын. Президент Нуйома 8 ақпанда 23:45-те Намибияның Виндхук қаласында 95 жасында қайтыс болды, - деді Нанголо Мбумба.

Намибияның алғашқы президенті соңғы үш аптада денсаулығының нашарлауына байланысты ел астанасы Виндхуктегі ауруханада ем қабылдап, дәрігерлердің бақылауында болған. 

Сэм Нуйома 1929 жылы 12 мамырда Намибияның солтүстік-батысында, Омусати аймағындағы Этунда ауылында дүниеге келген. Ол Оңтүстік-Батыс Африка Халық Ұйымының (SWAPO) негізін қалаушы және елдің тәуелсіздік жолындағы күресін басқарған саяси қайраткер. 1990 жылы Намибия тәуелсіздігін алғаннан кейін, алғашқы президент болып сайланып, 15 жыл бойы (1990-2005) елді басқарды.