Надежда Киек: Этнотеатрлардың республикалық фестивалін өткізуге ҚХА мұрындық болады деген зор үміттеміз

Ақтөбе облысы Қазақстан халқы ассамблеясы жанындағы «Алые паруса» театр студиясы А. Волков ертегісі бойынша «Волшебник изумрудного города» спектаклінің жаңа қойылымын ұсынды.

Театр режиссерының айтуынша, осындай қойылымдарға балаларды қатыстыру арқылы олардың шығармашылық қабілеттерін дамыту, көркем-бейнелі мәнерлі құралдар элементтеріне үйрету мүмкіндіктері пайда болады.

Қойылымның көркемдік жетекшісі-Надежда Киек. Студияның режиссері – Артем Москаленко, хореографы – Мария Семина. Аталмыш  студияда 3 жастық топ бар. Премьера күні 10-12 жастағы балалар сахнада жарқырап өнер көрсетті. Қойылымды қызықтауға келген қалалық мектептердің бастауыш сынып оқушылары жас әртістерге ду қол шапалақ ұрып, қоштап отырды.

Театр педагогы Н. Киек, «Балалар ең қатал көрермен және сыншыл аудитория, олар сахнада жалғандықты көтермейді. Келешекте Қазақстан халқы Ассамблеясы облыстық театрлардың республикалық фестивалін өткізуге мұрындық бола ма деген зор үміттеміз», – деп ойын қорытты.