Мысырлық спортшы тістерімен 700 тонналық кемені орнынан қозғады

Ашраф Махрус есімді мысырда спортшы тістерімен 700 тонналық кемені орнынан қозғады. Бұл туралы Associated Press агенттігіне сілтеме жасай отырып El.kz интернет порталы хабарлайды.

44 жастағы спортшы Қызыл теңіздің жағасындағы Хургада қаласында арқанның көмегімен кемені су бетінде сүйреп шығарды.

Махрус алдымен бір кемені сүйреп көрсе, артынша өз жетістігін дәлелдеу үшін жалпы салмағы шамамен 1150 тонна болатын екі кемені қатар тартты.

Айта кетсек, мысырлық спортшы осы оқиғаның бейнежазбасы мен фотосуреттерін Гиннестің рекордтар кітабына жіберуді жоспарлап отыр.