Мысыр әуежайында қазақстандық әйел қаза болды

Шарм-эль-Шейх әуежайында жарнама тақтасы қазақстандықтардың үстіне құлады, деп хабарлайды El.kz ақпарат агенттігі.

Сыртқы істер министрлігінің мәліметінше, бір әйел қаза тауып, екеуі жеңіл жарақат алды. 

Қазіргі уақытта оқиға орнында жедел-іздестіру шаралары жүргізілуде, деп хабарлады ведомстводан. 

Марқұмның туыстарымен байланыс орнатылып қойған. Консул оларға барлық мәселелер бойынша көмектесуде.