Министрлік елімізге ҰҚШҰ әскери техникаларының неге келіп жатқанын түсіндірді

ҚР Қорғаныс министрлігі Қазақстанға келіп жатқан Ұжымдық қауіпсіздік туралы шарт ұйымына (ҰҚШҰ) мүше елдердің әскери техникаларына қатысты түсінік берді, деп хабарлайды EL.KZ. 

Бұдан бұрын хабарланғандай, 2022 жылғы 26 қыркүйек пен 8 қазан аралығында Жамбыл, Алматы облыстарында ҰҚШҰ-ның ұжымдық жедел ден қою күштерінің "Өзара іс-қимыл-2022", "Іздеу-2022", "Эшелон-2022" оқу-жаттығулары өтіп жатыр - делінген хабарламада.

Осыған байланысты елімізге Ұйымға мүше мемлекеттердің әскери контингенттері келеді. 

Әскери техниканың қозғалысы теміржол, әуе көліктерімен және дөңгелекті техникамен жүзеге асырылады. Бұл тұрғыда азаматтарды әлеуметтік желілерде таралатын түрлі қауесеттерге ермеуге, тек ресми ақпарат көздеріне сенуге шақырамыз - деді министрлік баспасөз қызметі.