Министр ұшақта жағдайы нашарлаған жолаушыға шұғыл көмек көрсетті

Астана-Алматы бағытындағы әуе рейсінде жолаушылардың бірі өзін нашар сезінген, деп хабарлайды El.kz интернет порталы.

Бұл туралы KC622 рейсінде болған қазақстандық жолаушы Threads желісіндегі жазбасында бөлісті. Оның айтуынша, оқиға таңертең болған.

Ұшақ ұшуға арналған жолағына бет алып бара жатты. Мен қалғып кеткенмін. Сол сәтте кенеттен: «Стюардесса! Стюардесса! Бойжеткен өзін жайсыз сезініп тұр, дәрігер керек!» деген дауыс естілді, - деп жазды ол.

Айтуынша, кенеттен жағдайы нашарлаған қыздың жанына бір әйел жақындап, алғашқы көмек көрсете бастаған.

Қан қысымын өлшеді, ол жоғары болып шықты. Стюардессалар жүгіріп жүріп, салфеткалар мен пакеттер берді (қызды құса бастады). Қасында тағы бір әйел болды, ол сол қызбен бірге екен, бірақ басқа қатарда отырған, - деп баяндады жолаушы.

Қызға дәрі, су және шай берілген.

Стюардесса оларға: «Сіздер дәрігерсіздер ме, әлде бірге еріп жүрсіздер ме?» - деп сұрады. Қан қысымын өлшеп, пакет ауыстырып жүрген әйел жай ғана: «Дәрігермін», - деді де, көмегін жалғастыра берді. Дәрі, шай, су беріп, жағдайын сұрады. Қыз «жақсардым» деді. Ұшуға дайындық қайта басталды, - деп аяқтады жазба авторы.

Кейін ол алғашқы медициналық көмекті көрсеткен әйел Қазақстанның денсаулық сақтау министрі Ақмарал Әлназарова екенін хабарлады.