«Мен үшін үлкен мәртебе»: Геннадий Головкин тағы бір атаққа ие болды

Ұлттық олимпиада комитетінің президенті Геннадий Головкин спорт саласындағы доктор атағын алды, деп хабарлайды El.kz ақпарат агенттігі.

Құрметті доктор атағының берілуін мен өзімнің жеке жетістігімнен бөлек, Қазақстанды халықаралық деңгейде ілгерілету жолындағы ұмтылыстарым мен еңбегіме көрсетілген зор сенім мен жоғары бағалаудың белгісі ретінде қабылдаймын. Спорттағы жолымды жаңа қырынан жалғастыру мүмкіндігіне ие болу — мен үшін үлкен мәртебе. Шын мәнінде, спорттық өмірдің әр кезеңі өзіндік құндылықтарымен ерекшеленеді және тың мүмкіндіктерге жол ашады. Мен осы жолда спортты дамытуға әрі еліміздің халықаралық беделін арттыруға бағытталған миссиямды табандылықпен жалғастыра беремін, - деп жазды Головкин.