Мемлекеттік бақылау нәтижесінде әлеуметтік тауарлар арзандады

Павлодар облысы бойынша сауда және тұтынушылардың құқықтарын қорғау Департаменті жүргізген мемлекеттік бақылаудың нәтижесінде 2025 жылдың I тоқсанында бірқатар әлеуметтік маңызы бар азық-түлік тауарларының бағасы арзандады, деп хабарлайды El.kz ақпарат агенттігі.

Атап айтқанда, картоптың бағасы — 330 тг/кг — нан 184 тг/кг — ғадейін, сәбіз — 105 тг/кг-дан 69 тг/кг-ғадейін, қарақұмық жармасы-450 тг/кг-дан 339 тг/кг-ғадейін,тұз-120 тг/кг-дан 109 тг/кг-ғадейінтөмендеді, рожки -430 тг / кг-нан 388 тг / кг — ғадейін, тауық еті-1 400 тг/кг-нан 1 322 тг/кг-ғадейін.

Мұндай нәтижеге әлеуметтік маңызы бар азық-түлік тауарларына сауда үстемесін реттеу бойынша заңнама талаптарының сақталуын қатаң бақылаудың арқасында қол жеткізілді.

2025 жылдың I тоқсанында Департамент сауда субъектілеріне 68 тексеру жүргізді, оның 43-і жоспардан тыс тексеру және 25 профилактикалықтексеру.
Тексерулер Павлодар (33), Екібастұз (21), Ақсу (12) қалаларында, сондай-ақ Тереңкөл ауданынынң (4) сауда объектілерін қамтыды. 58 сауда субъектісі сауда заңнамасын бұзғаны анықталды, 10 тексерісте ешқандай заң бұзушылық анықталмады.

Тексеріс кезінде жекелеген жағдайларда шекті сауда үстемесі сақталмағаны анықталды:

• 106% - картоп,
• 75% — сәбіз ,
• 52,5% — қарақұмық,
• 27,2% — тауық еті.

Естеріңізге сала кетейік, Сауда қызметін реттеу туралы" Қазақстан Республикасы Заңының 9-бабының 1-тармағына сәйкес ӘМАТ-қа шекті сауда үстемесінің мөлшері сату немесе сатып алу бағасының 15% - нан аспауы тиіс.

Анықталған фактілер бойынша әкімшілік ықпал ету шаралары қабылданды, заң бұзушылықтарды жою туралы нұсқамалар берілді.