Мемлекет басшысы жас ғалымдарға пәтер сертификаттарын табыстады

Президент Қасым-Жомарт Тоқаев ғалымдардармен кездесу соңында ғылымның түрлі саласында еселі еңбек етіп жүрген 10 жас ғалымға салтанатты түрде пәтер сертфикаттарын табыстады, деп хабарлайды Ақордаға сілтеме жасап El.kz ақпарат агенттігі.

Өз сөзінде Мемлекет басшысы жас ғалымдарға әлеуметтік тұрғыдан қолдау көрсету – мемлекеттің міндеті екенін атап өтті. 

Пәтер сертификаттарына мына жас ғалымдар ие болды:

1. Абилдина Айназ Қайратқызы – Қ.И. Сәтбаев атындағы Қазақ ұлттық техникалық зерттеу университетінің қауымдастырылған профессоры;
2. Молдамұратов Жанғазы Нұржанұлы – Халықаралық білім беру корпорациясының жалпы құрылыс факультетінің деканы;
3. Әлия Темірхан – Қазақстан-Британ техникалық университетінің ғылыми қызметкері;
4. Құрманов Ерғали Бержігітұлы – Әл-Фараби атындағы Қазақ ұлттық университетінің доценті;
5. Жанұзақ Рамазан Жақсыбайұлы – Ә.Х. Марғұлан атындағы Археология институтының зертхана меңгерушісі;
6. Омарова Жансая Бағдатқызы – Қ.И. Сәтбаев атындағы Қазақ ұлттық техникалық зерттеу университетінің аға оқытушысы;
7. Бакранов Нұрлан Болатұлы – Қазақстан Республикасы Президенті жанындағы Ұлттық Ғылым академиясының бас қызметкері;
8. Құлтаева Шынар Мәлікқызы – Халықаралық білім беру корпорациясының қауымдастырылған профессоры;
9. Байжұма Сәмет – Әл-Фараби атындағы Қазақ ұлттық университетінің оқытушысы.
10. Әділхан Бауыржан Нүкербекұлы – Сейсмологиялық бақылау және зерттеу ұлттық ғылыми орталығының лаборатория меңгерушісі.

Еске салсақ, біз бұған дейін Президент ғалымдармен кездескені туралы жаздық. Кездесуде Мемлекет басшысы жас ғалымдардың елге пайдасы тиетін жұмыспен айналысқаны жөн екенін айтты.