Мемлекет басшысы Қасым-Жомарт Тоқаев Түркия президенті Режеп Тайып Ердоғанды ұлықтау рәсіміне қатысу үшін «Кулие» сарайына барды. Бұл туралы Ақорданың баспасөз қызметіне сілтеме жасай отырып El.kz ақпараттық агенттігі хабарлайды.
Қасым-Жомарт Тоқаевты Президент резиденциясында Түркияның сыртқы істер министрі Мевлют Чавушоглу қарсы алды.
Бұған дейін Режеп Тайып Ердоғанның ант қабылдау рәсімі Түркияның Ұлы ұлттық жиналысында (парламент) өткенін хабарлағанбыз.
Алдымен ол өзінің мандатын елдің парламентінің уақытша төрағасы Девлет Бахчелиден алып, сосын ант қабылдады. Енді ол президенттік лауазымда 2028 жылға дейін болады.