Маңғыстау облысында кен орнындағы өрттен бір адам зардап шекті

Маңғыстау облысындағы «Бозашы Мұнай» ЖШС-ға қарасты «Оңтүстік Қаратұрын» мұнай-газ кен орнындағы өрттен бір адам зардап шекті, деп хабарлайды El.kz ақпарат агенттігі.

Заман Энерго» ЖШС мердігерлік мекемесінде бұрғылаушының көмекшісі жарақат алды. Ол кеудесінің сол жағындағы 8-қабырғасының жабық сынығы, сол жақ білегінің ІІІ дәрежелі термиялық күйігі диагнозымен ауруханаға жолданған. Тексеруден кейін үйіне жіберіліп, амбулаториялық ем тағайындалды, деді Маңғыстау облыстық Төтенше жағдайлар департаменті баспасөз қызметі.

Еске салсақ, 9 маусым күні «Бозашы Мұнай» ЖШС «Оңтүстік Қаратұрын» мұнай-газ кен орнында 1088 метр тереңдіктен бұрғылау құралының көтерілуі салдарынан өрт тұтанған еді.

Тілсіз жау бүгінге дейін әлі ауыздықталған жоқ.