Маңғыстау облысында бір мектепті екі қыз бала бітірді

Маңғыстау облысының Бейнеу ауданына қарасты Сарға ауылында мектеп-интернатын екі-ақ түлек бітірді. Бұл туралы mangystaumedia.kz парақшасына сілтеме жасай отырып El.kz ақпарат агенттігі хабарлайды. 

Бұл ауылда ауылда екі мектеп бар. Оның бірі 350-ден астам оқушы білім алатын Ә.Жангелдин атындағы мектеп болса, екіншісі – Бейнеу мектеп-интернаты. Онда оқушылар саны тек 100-ден асады. Осы мектеп-интернатты биыл екі қыз бала ғана тәмамдаған.

Бұған дейін бұл сыныпта көрші ауылдан екі ер бала келіп оқыған, алайда 11-сыныпқа көшетін уақытта олар кетіп қалған. Мектеп басшысының айтуынша, көбі жақын маңдағы ауылдар мен әлеуметтік аз қамтылған отбасылардың балалары.