Магистратура бойынша грант иегерлерінің тізімі жарияланды

Білім беру гранттары кешенді тестілеу нәтижелері бойынша конкурстық негізде тағайындалды, деп хабарлайды El.kz интернет порталы. 

Магистратура бойынша білім беру гранттарын тағайындау конкурсына ғылыми-педагогикалық бағыт бойынша 75 балдан, бейіндік бағыт бойынша 30 балдан жоғары жинаған оқуға түсушілер қатысты. Жалпы конкурсқа 20 мыңнан астам адам қатысты.

Мемлекеттік білім гранты иегерлерінің тізімі ҚР Ғылым және жоғары білім министрінің Telegram арнасында, министрліктің және Ұлттық тестілеу орталығының ресми сайтында жарияланды.