Мәжіліс депутаты Серік Сейдуманов Жамбыл облысының ҚХА активімен кездесті

Қазақстан Республикасы Парламенті Мәжілісінің депутаты Серік Сейдуманов Тараз қаласындағы Достық үйінде Жамбыл облысы Жамбыл облысы Қазақстан халқы ассамблеясының хатшылық меңгерушісі Маржан Қожаевамен, ассамблея мүшелері мен этномәдени бірлестіктер төрағаларымен кездесті.

Жиын барысында Мәжіліс депутаты кездесуге қатысушылардың бірқатар сұрақтарына жауап берді.

ҚР «Барбанг» күрдтер ассоциациясының Жамбыл облысындағы республикалық филиалы» төрағасы және кәсіпкер Латиф Айдаров "Мемлекеттік сатып алу туралы" Заңға қатысты өз пікірін білдірді. Сонымен қатар, "Днипро" украин мәдени орталығының төрағасы Федор Клименко депутаттан этномәден бірлестіктердің жыл сайынғы гранттарын бөлу туралы мәселеге  бұрынғыдай тәртіппен қарауды сұрады.

Парламент Мәжілісінің депутаты Серік Тұрарұлы көтерілген сұрақтарды ерекше бақылауға алатынын жеткізді.

«Менің Қазақстан халқы Ассамблеясына ерекше қатысым бар. Себебі, сонау 1995 жылы құрылған Ассамблеяның басы-қасында жүрдік», - деп сөзін қорытты.