Мұқағали Мақатаевтың туған жерінде этностар арасында «Мұқағали оқулары» өтті

Қазақтың ақиық ақыны Мұқағали Мақатаевтың туған жері – Қарасаз ауылында өзге этностар арасында «Мұқағали оқуларынан» облыстық байқау өтті.

Аталған шараға облыстың 15 ауданын жастар қатысты. Шара барысында қатысушылар ақынның бір өленің қазақша, тағы бір өленің ана тілінде жатқа оқуы шарт еді.

Байқау корытындысы бойынша бірінші орынды ұйғыр ауданын келген Дильназ Шарипова, екінші орынды Талдықорғандық Дильназ Юсупова иеленсе, үшінші орынға Қапшағай қаласынан келген Ирина Кир мен Ұйғыр ауданынан Сәбирям Анварава жайғасты.

Айта кету керек, байқауға қатысушылар мен қонақтар Қарасаз ауылының басты көрікті жері – Мұқағали Мақатевтің музейін аралап көрді. Онда Ұлы Ақынның негізгі қолжазбалары, оның жеке заттары мен қолданған үй жабдықтары қойылған.