LRT құрылысына байланысты: Астанада тағы бір көшеде қозғалыс уақытша өзгереді

Астанада LRT құрылысы бойынша жұмыстарды жүргізу жоспарына сәйкес, Ш. Қалдаяқов көшесінде жол қозғалысы уақытша өзгертіледі. Бұл туралы CTS компаниясына сілтеме жасай отырып El.kz ақпарат агенттігі хабарлайды.

Өзгеріс кестесі мынадай:

- 10 сәуірден 25 сәуірге дейін – инженерлік желілерді қайта құру жұмыстарын жүргізуге байланысты Ш.Қалдаяқов көшесі бойынша, Тәуелсіздік даңғылынан Ж. Нәжімеденов көшесіне дейінгі учаскеде қозғалысты толық жабу жоспарланып отыр.

- 10 сәуірден 10 маусымға дейін – LRT объектісі жолының жоғарғы құрылымының элементтерін төсеу үшін парапеттер мен бетон негізді құю жұмыстарын жүргізуге байланысты Ж.Нәжімеденов көшесінен (И. Панфилов көшесі) Арыс көпірі бағытындағы қарсы қозғалыс жолағына шығатын екі жолаққа дейінгі қозғалыстар ішінара шектеледі және Сығанақ көшесі жағынан қозғалатын көлік үшін бұрылу жолағын сақтай отырып, Арыс көпірінен Ж.Нәжімеденов көшесі (И.Панфилов көшесі) бағытында бір жолаққа дейін қысқарту жүргізіледі.