Күшігін клиникаға әкелген қаңғыбас иттің әрекеті көпшілікті сүйсінтті

Стамбулда қаңғыбас ит өлгелі жатқан күшігін ветеринарлық клиникаға алып келген, деп хабарлайды El.kz ақпарат агенттігі.

Әлеуметтік желіде Түркияның Бейликдюзю қалалық ауданында орналасқан клинканың бейнебақылау камерасына түсіп қалған иттің әрекеті қызу талқыланып жатыр. Видеодан дәрігерлердің клиниканың кіреберісінен аузына күшігін тістеген итті күтіп алғанын көруге болады. Одан кейін халі мүшкіл күшікке жедел көмек көрсетіп жатқан ветеринардың әрекетін аңғарамыз. Реанимациялық әрекеттер кезінде күшіктің анасы бақылап тұрады. Шұғыл көрсетілген көмектің арқасында күшіктің жағдайы жақсарған. 

Кейінірек жергілікті зообелсенділер иттің басқа да күшіктерін тауып, көмек көрсету үшін клиникаға әкелді.