Күрестен әлем чемпионаты: Ризабек Айтмұханның қарсыласы анықталды

Испанияның Понтеведра қаласында өтіп жатқан 20 жасқа дейінгі спортшылар арасындағы әлем біріншілігінде еркін күрес шеберлері жарысты бастайды, деп хабарлайды El.kz ақпарат агенттігі. 

Бүгін бозкілемге шығатын спортшылар арасында әлем чемпионы қазақстандық Ризабек Айтмұхан да бар. 

Ризабек жарысты 1/8 айналымнан бастайды. Оның алғашқы айналымдағы қарсыласы - ирандық Абдулфаазл Бабалу. 

Айта кетелік, Ризабек Айтмұхан 92 келіде әлем чемпионы атанып, кейін олимпиадалық салмақ саналатын 97 келіге ауысты.