«Көршімен көрші ұрсады». Ринат Зайытов көлікті бес минуттан артық қыздыру туралы

Мәжіліс депутаты Ринат Зайытов көлікті бес минуттан артық қыздырғандарға айыппұл салынады деген ақпаратқа қатысты пікір білдірді, деп хабарлайды El.kz ақпарат агенттігі.

Мәжілісменнің айтуынша, бұл адамдар арасына іріткі салады.

Бұл жерде бір қауіпті нәрсе бар: осындай әрекеттерді айту, камераға түсіру қоғамға пайда бермейді. Адамдарды араздастырады. Өз басым қажет емес деп ойлаймын. Ертең көршімен көрші ұрысады. Тұрмыстық шиеленістер, түсініспеушіліктер көбейіп кетеді, - дейді Ринат Зайытов.

Айта кетейік, бұған дейін бес минуттан артық қыздырғандарға айыппұл салынатыны туралы айтылған еді. Алайда  құқық қорғаушылар бұның  жаңа норма еместігін түсіндіруде. Айтуларынша, Қазақстан Республикасының Жол қозғалысы ережелерінде ол 20 жылдан бері бар.