Конференция лигасы: «Астана» сырт алаңда жеңіске жетті

«Астана» сырт алаңда Косовоның «Балкани» клубынан басым түсті, деп хабарлайды El.kz ақпарат агенттігі.

Конференция лигасының топтық кезеңінің үшінші турының матчында қазақстандық клуб ойынның 7-минутында есеп ашты. Алғашқы голды Камо Оганесян салғанымен, 8-минутта алаң иелері есепті теңестірді - Эдвин Куц мергендік танытты. Үізіліске дейін «Астана» тағы бір рет қарсылас қақпасынан саңылау тауып, таблода алға шықты: кездесудің 23-минутында Абзал Бейсебеков қақпаны дәл көздеді.

Осылайша топтағы үш ойыннан соң «Астана» еншісінде үш ұпай бар.«Балкани» клубы да үш ұпайға ие.

Естеріңізге сала кетейік, алғашқы матчта «Астана» Хорватияның «Динамо» (1:5) клубынан ойсырай ұтылса, сонан соң чехиялық «Викторияға» есе жіберді (1:2).