Комментатор Ермұхамед Мәулен жаңа қызметке тағайындалды

Қазақстан футбол федерациясының кеңесшісі қызметін атқарып келген белгілі комментатор Ермұхамед Мәулен Қазақстан ұлттық құрамасының баспасөз хатшысы қызметіне ауысты, деп хабарлайды El.kz ақпарат агенттігі.

Спорт журналисті бұған дейін де ҚФФ-да жұмыс атқарған еді. Нақтырақ айтсақ, Ермұхамед 2021 жылы Қазақстан футбол федерациясының баспасөз қызметін басқарды. Ал 2022-2024 жылдары ҚФФ президенті кеңесшісі қызметіне тағайындалды.

 Ол 2014 Бразилияда өткен мундиальда қазақ телевизиясы тарихында алғаш рет оқиға орнынан трансляция жүргізген.

2017-2018 жылдары «Егемен Қазақстан» газетінің спорт бөлімінің меңгерушісі, ал 2019 жылы «Хабар» агенттігінің спорт бөлімінің продюсері болды.

2020 жылы «Qazsport» телеарнасында арнайы жобалар редакторы қызметін атқарған.