Көктемнің алғашқы күніне арналған ауа райы болжамы

«Қазгидромет» мамандары 1 наурызда еліміздің басым бөлігінде қолайсыз ауа райына байланысты ескерту жариялады, деп хабарлайды El.kz ақпарат агенттігі.

Жетісу облысының орталығында, таулы аудандарында тұман түседі.

Атырау облысының батысында, оңтүстігінде, шығысында, күндіз облыстың оңтүстігінде, шығысында қар жауады. Облыстың шығысында, оңтүстігінде жаяу бұрқасын. Түнде және таңертең облыстың оңтүстігінде тұман.

Ұлытау облысының батысында қар, жаяу бұрқасын, көктайғақ.

Қарағанды облысының батысында, солтүстігінде, оңтүстігінде тұман түседі.

Астанада кей уақыттарда тұман.

Маңғыстау облысының батысында, солтүстігінде, орталығында қар, көктайғақ, жаяу бұрқасын. Облыстың шығысында, орталығында тұман түседі. Солтүстік-батыстан жел соғады, түнде облыстың батысында екпіні секундына 15-20 метрге жетеді. 

Батыс Қазақстан облысының батысында, солтүстігінде тұман түседі.

Ақтөбе облысының орталығында, оңтүстігінде қар жауады, жаяу бұрқасын, солтүстік-шығыстан, шығыстан жел соғады, облыстың орталығында, оңтүстігінде екпіні секундына 15-20 метрге жетеді.

Ақмола облысының батысында, солтүстігінде, оңтүстігінде тұман түседі.

Қызылорда облысының солтүстігінде, оңтүстігінде, орталығында көктайғақ, тұман.

Абай облысының солтүстігінде, оңтүстігінде, орталығында тұман.

Шығыс Қазақстан облысының солтүстігінде, шығысында, оңтүстігінде тұман түседі.

Қостанай облысының батысында, шығысында тұман.

Солтүстік Қазақстан облысының солтүстігінде, шығысында жаяу бұрқасын. Облыстың батысында, оңтүстігінде тұман. Оңтүстік-батыстан, батыстан жел соғады, күндіз облыстың солтүстігінде, батысында, оңтүстігінде екпіні 15-20 м/с болады.

Жамбыл облысының таулы аудандарында қар жауады, көктайғақ болады, жаяу бұрқасын соғады. Облыстың солтүстігінде, оңтүстігінде, таулы аудандарында тұман түседі. Онтүстік-шығыстан жел соғады, облыстың таулы аудандарында екпіні секундына 15-20 метрге жетеді.

Түркістан облысының батысында, оңтүстігінде, таулы аудандарында тұман.

Шымкентте түнде тұман.

Павлодар облысының оңтүстігінде тұман түседі.