Көкшетауда көпқабатты үйде өрт шығып, 28 адам эвакуацияланды

Көкшетауда бес қабатты тұрғын үйде өрт шықты. Оқиға бүгін, 28 қыркүйекте кешкі уақытта  Назарбаев даңғылы бойында болған, деп хабарлайды El.kz интернет порталы. 

Өрт 4-қабаттағы балконда басталып, кейін жоғарыдағы 5-қабаттың балконына тараған. ТЖМ бөлімшелерінің уақытылы әрекет етуінің арқасында өрт тез арада сөндірілді. Жоғарғы қабаттарға су беру үшін өрт сөндірушілер автосатыны қолданды, бұл өртті сырттан тиімді сөндіруге мүмкіндік берді.

Өрт сөндірушілер түтін аймағынан баспалдақ маршымен 28 адамды, оның ішінде 8 баланы эвакуациялады. Зардап шеккендер жоқ.