Kids Go Free: Қазақстанда турлар аясында 2000-ға жуық бала тегін ұшуды пайдаланды

2023 жылдың қорытындысы бойынша 13 туристік компания бағдарлама аясында 920 турды іске асырды, оның шеңберінде 1 975 бала ел ішінде саяхатқа тегін ұшу мүмкіндігін пайдаланды, деп хабарлайды El.kz ақпарат агенттігі.

Өтеу сомасы 90,0 млн теңгені құрады. Балалар авиабилеттерінің құнын шегергендегі сатылған турлардың құны 458,0 млн теңгені құрады.

Ең көп таралған бағыт – «Алакөлге» барлығы 637 бала тасымалданды, өтемақы сомасы 10,7 млн теңгені құрады.

Келу бойынша екінші орында «Алматы» бағыты, барлығы 561 бала тасымалданды, өтеу сомасы 31,9 млн теңгені құрады.

Оқи отырыңыз:

• Онлайн дем салдырып, дерттен айығуға бола ма? ҚМДБ өкілі мен танымал емші пікір білдірді
• Әйелін өлтірген Бишімбаевты қамауға алу мерзімі белгілі болды

Үшінші орында Каспий жағалауы, өткен жылы мұнда Kids go Free бағдарламасы аясында 350-ден астам бала демалды, өтемақы сомасы 25,5 млн теңгені құрады.

Ақтау қымбат тұратын турпакеттер саны басым бағыт болып қалады, атап айтқанда 1 000 000 теңге құнынан жоғары.

Айта кетейік, Kids Go Free бағдарламасы аясында 2022 жылы 373 млн теңге сомасына 692 тур жүзеге асырылған, олар бойынша 1430 бала ұшып кетті, өтемақы сомасы 76,2 млн теңгені құрады.