Хоккей. Ел құрамасы Қысқы универсиада-2023-ке қатысады

Шайбалы хоккейден 2023 жылғы Қысқы универсиадада бақ сынайтын барлық құрама анықталды, деп хабарлайды EL.KZ ҚазАқпарат-қа сілтеме жасап.

Қысқы универсиада 2023 жылы 12-22 қаңтар аралығында АҚШ-тың Лэйк-Плэси қаласында өтеді. Онда ерлер арасындағы шайбалы хоккей турниріне 12 елдің құрамасы қатысады. Олардың арасында Қазақстан құрамасы да бар.

Сондай-ақ, шайбалы хоккей турнирінде Канада, Чехия, Ұлыбритания, Венгрия, Жапония, Корея, Латвия, Словакия, Швеция, Украина және АҚШ құрамалары бар. Құрамалар екі топқа бөлінеді. Әрбір топта алғашқы 2 орын алғандары плей-офф сатысына шығады.

Айта кетсек, әзірге әйелдер арасындағы хоккей турниріне қатысатын алты құрама белгілі. Мұндай мүмкіндікке Канада, Чехия, Ұлыбритания, Жапония, Словакия және АҚШ қол жеткізген.

Ойын кестесі кейінірек белгілі болады.

Еске салсақ, шайбалы хоккейден Қазақстан Президенті кубогында «Барыс» жеңімпаз атанды .