Кеңкияқ мәселесі экология министрлігінде қаралды

Экология және табиғи ресурстар министрлігінде Ақтөбе облысы, Кеңқияқ а/о экологиялық ахуал және көгалдандыру мәселелері бойынша кеңес өтті, деп хабарлайды El.kz ақпарат агенттігі.

Кеңеске Экологиялық реттеу және бақылау комитетінің төрағасы Е.С. Қожықов, су ресурстары және ирригация, энергетика, ішкі істер министрліктерінің, Ақтөбе облысы әкімдігінің, "Көкжиде Эко" ҚБ және "СНПС Ақтөбемұнай"АҚ өкілдері қатысты. 

Талқылаудың негізгі тақырыбы Ақтөбе облысының экологиялық проблемаларын кешенді шешу жөніндегі жол картасы шеңберінде Кеңқияқ ауылында жасыл белдеу құру жөніндегі бағдарламалар мен ағымдағы іс-шаралар болды.

Кеңес барысында өңірдегі экологиялық жағдайды жақсартуға бағытталған қазірде іске асырылып жатқан іс-шаралар егжей-тегжейлі қаралды. Қатысушылар осы бағдарламалардың тиімділігін арттыру жолдарын және ағымдағы экологиялық жағдайды ескере отырып, өзгерістер енгізу қажеттігін талқылады.

Кеңес қорытындысы бойынша ғылыми ұйымдармен бірлесіп Жасыл белдеу құру жөніндегі қолданыстағы бағдарламаларды қайта қарау және оларды іске асыру жөнінде тиісті шаралар өткізу туралы шешім қабылданды. Бұл қадамдар экологиялық қауіпсіздікті нығайтуға және өңір халқының өмір сүру сапасын жақсартуға бағытталған.